جموں/۴ستمبر
جموں وکشمیر کے ضلع پونچھ میں 30اگست کو لاپتہ ہوئے 30 سالہ جوان کو پاکستانی فوج نے بھارتی حکام کے حوالے کیا۔
سرکاری ذرائع نے بتایا کہ پونچھ کے دیگوار تروان گاوں کے 30 سالہ جوان کو پاکستانی حکام نے ایگزیکٹیو مجسٹریٹ کی موجودگی میں چکان داں باغ کراسنگ کے نزدیک فوج اور پولیس کے حوالے کیا۔
معلوم ہوا ہے کہ قانونی لوازمات کے بعد جوان کو اہل خانہ کے سپرد کیا گیا۔مذکورہ جوان کی شناخت محمد راشد ساکن دیگوار تروان کے بطور ہوئی ہے ۔
ذرائع نے بتایا کہ محمد راشد 30 اگست کو لاپتہ ہو گیا تھا اور اہل خانہ نے مقامی پولیس کے ساتھ رابط کرکے ایک رپورٹ بھی درج کی تھی۔
انہوں نے کہاکہ پولیس اور اہل خانہ کی بسیار تلاش کے بعد مذکورہ جوان کا کوئی اتہ پتہ نہیں تھا۔
