جموں کشمیر میں پانچ دنوں میں۱۳ہلکے زلزلے ‘ کوئی نقصان نہیں

سرینگر///
جموں و کشمیر میں گذشتہ چند دنوں سے لگاتار ہلکے درجے کے زلزلوں کے جھٹکے محسوس کئے جا رہے ہیں۔
نیشنل سینٹر فار سیسمالوجی کے مطابق ڈوڈہ میں ہفتے کی صبح ۹بجکر۶منٹ ایک اور زلزلے کے جھٹکے محسوس کئے گئے ۔
اس زلزلے کی شدت ریکٹر اسکیل پر۴ء۳ ریکارڈ کی گئی جبکہ زمین کے اندر اس کی گہرائی پانچ کلو میٹر تھی۔
ضلع ڈوڈہ میں جمعے کے روز دو زلزلوں کے جھٹکے محسوس کئے گئے اور سے قبل۲۴؍اگست کو بھی اسی ضلے میں زلزلے کے جھٹکے محسوس کئے گئے تھے ۔
تاہم ان زلزلوں سے کسی قسم کے جانی یا مالی نقصان کی کوئی اطلاع نہیں ہے ۔
ماہرین ارضیات ان ہلکے درجے کے جھٹکوں کو زمین سے دباؤ کے اخراج سے تعبیر کرتے ہیں۔
تاہم ان کا یہ بھی کہنا ہے کہ یہ ہلکے جھٹکے ایک بڑے جھٹکے کی وارننگ بھی ہوسکتے ہیں۔قابل ذکر ہے کہ جموں کشمیر اور لداخ زلزلیاتی پیمانے پر سب سے زیادہ خطرناک پانچ اور چار زون میں آتے ہیں۔
اس دوران معروف ماہر ارضیات پروفیسر ایم اے ملک نے کہا کہ جموں و کشمیر میں ہمالیہ کے پہاڑوں میں اس کے خطرناک مقام کی وجہ سے ایک بڑے زلزلے کے امکان کے خلاف خبردار کیا۔
جموں یونیورسٹی (جے یو) کے شعبہ ارضیات کے ریٹائرڈ سربراہ پروفیسر ملک نے یہ بات جموں و کشمیر میں حالیہ معمولی جھٹکوں کے جواب میں کہی۔