پہلگام سڑک حادثے میں ۱۱ ؍افراد زخمی

پہلگام//
جموں و کشمیر کے پہلگام میں ایک سومو گاڑی حادثے کا شکار ہوگئی جس کے نتیجے میں۱۱ مسافر زخمی ہوگئے۔
یہ حادثہ مہاراجہ پیلس پہلگام کے قریب پیش آیا۔ اس حادثے میں۱۱ مسافر زخمی ہوگئے اور تمام زخمی مسافروں کو فوری طور پر طبی امداد کیلئے پہلگام اسپتال منتقل کر دیا گیا، جہاں تشویشناک حالت کے پیش نظر زخمیوں کو جی ایم سی اسلام آباد منتقل کیا گیا۔
زخمیوں کی شناخت عبدالرحمان، شمیمہ اختر ولد محمد شعبان عمر ۴۰ سال، شہزادہ دختر عبدالسلام شیخ عمر ۲۵ سال، رضوان احمد ولد عبدالسلام عمر۷ سال، محمد یوسف وگے ولد محمد شعبان عمر ۴۵ سال، اقرا دختر محمد شعبان شیخ عمر ۱۴ سال، محمد لون ولد علی محمد لون عمر۴۵، رفیقہ دختر محمد مقبول شیخ عمر ۴۰ سال، محمد مقبول ولد رجب شیخ عمر۴۵ سال، رئیس احمد ولد منظور وانی عمر ۳۵ سال، دلشادہ دختر محمد رمضان شیخ عمر ۳۵ سال۔
یہ تمام زخمی افراد فرسلن پہلگام کے رہائشی ہیں۔