بڑے خواب دیکھنے سے ہی ہم زندگی میں بڑی چیزیں حاصل کر سکتے ہیں:سنہا

کٹڑہ//
لیفٹیننٹ گورنر‘ منوج سنہا نے آج شری ماتا ویشنو دیوی یونیورسٹی کٹڑہ کے آٹھویں کنووکیشن سے خطاب میں کہا ’’ بطور قوم ہماری کامیابی صرف لگن ، نظم و ضبط اور عزم کے ساتھ کلاس رومز میں خیالات اور اختراع کے کلچر کو فروغ دے کر حاصل کی جا سکتی ہیں ۔ ‘‘
طلباء ، اساتذہ اور والدین کے اجتماع سے خطاب کرتے ہوئے سنہا نے کہا ’’ اساتذہ کو ایس ایم وی ڈی یونیورسٹی کو شمالی ہندوستان کی ممتاز یونیورسٹیوں میں سے ایک بنانے کا خواب دیکھنا چاہئے اور طلباء کو۱۳۰کروڑ ہندوستانیوں کے خواب کو پورا کرنے کی خواہش کرنی چاہئے ۔ ‘‘
لیفٹیننٹ گورنر نے مزید کہا ’’ ہم زندگی میں بڑی چیزیں حاصل نہیں کر سکتے جب تک کہ ہم بڑے خواب نہ دیکھیں اور اسے حاصل کرنے کیلئے بھر پور کوشش کریں ۔ ‘‘
سنہا نے کہا کہ نوجوان ہماری عظیم قوم کی تقدیر تشکیل دے سکتے ہیں اگر وہ خصوصی علم ، ہنر ، حکمت اور اقدار سے لیس ہوں جیسا کہ قومی تعلیمی پالیسی میں زور دیا گیا ہے ۔ انہوں نے مزید کہا کہ کیمپس سے باہر نکلتے ہی نئی ملازمتیں اور کیرئیر دوسروں کی زندگیوں کو بہتر بنانے کا مشن بن جانا چاہئے ۔
لیفٹیننٹ گورنرنے کہا کہ جموں کشمیر میں حکومت عالمی معیار کے بنیادی ڈھانچے کی تعمیر کر رہی ہے اور یو ٹی قومی کینوس پر ہر شعبے میں ایک اداکار کے طور پر ابھر رہا ہے ۔ انہوں نے مزید کہا ’’ اس کے ساتھ ہی ہم باصلاحیت نوجوان پیشہ ور افراد کو روشن مواقع فراہم کرنے کیلئے اپنی معیشت کے علمی نظام کو مضبوط کر رہے ہیں ۔ ‘‘
اس بات پر زور دیتے ہوئے کہ دُنیا میں کہیں بھی یونیورسٹی کیمپس خوشی سے بھرے نوجوان ذہنوں کے سماجی شعور کو تیز کرنے اور ترقی کی مہم جوئی کیلئے بہترین جگہ ہے ، سنہا نے کہا کہ تعلیم کو طلباء کی تخلیقی صلاحیتوں کو سپورٹ کرنے کیلئے ہم آہنگ کیا جانا چاہئیے تا کہ وہ اپنا بہترین کردار ادا کر سکیں ۔
اس موقع پر لیفٹیننٹ گورنر نے ایس ایم وی ڈی یونیورسٹی کے آٹھویں کنووکیشن میں میڈلز ، ایوارڈز اور ڈگریاں حاصل کرنے والے تمام طلباء کو مبارکباد دی اور ان کے روشن مستقبل اور ان کی زندگی میں کامیابی کی خواہش کی ۔
اس بات کا مشاہدہ کرتے ہوئے کہ نوجوان طلباء ہمارے معاشرے کا سب سے طاقتور اور سب سے قیمتی اثاثہ ہیں سنہا نے کہا کہ ان کے پاس ایک ترقی یافتہ اور خوشحال دُنیا کیلئے زبردست توانائی ، شعور اور ویژن ہے ۔ انہوں نے مزید کہا ’’ مجھے یقین ہے کہ ایس ایم وی ڈی یونیورسٹی کے طلباء خود انحصار ہندوستان کیلئے اپنے نئے وژن کے ساتھ بہت زیادہ تعاون کریں گے ۔ ‘‘
لیفٹیننٹ گورنر نے کہا ’’ مجھے خوشی ہے کہ ایس ایم وی ڈی یونیورسٹی نے این ای پی۲۰۲۰ کے تحت بزنس ایڈمنسٹریشن ، سائینس ، سوشل سائینسز اور ہیومینٹیز میں سات نئے مربوط پروگرام شروع کئے ہیں ۔ ہندی اور ڈوگری میں دو نئے پی جی کورسز بھی شروع کئے گئے ہیں ۔ ‘‘
سنہا نے تعلیمی اداروں پر زور دیا کہ وہ عالمی معیار کی تحقیق اور اختراعات کو فروغ دینے کے مقصد کے ساتھ مستقبل کیلئے مزید تیزی سے تیاری کریں ۔
لیفٹیننٹ گورنر نے مزید کہا کہ تعلیم سے متعلق قومی پالیسی کے ذریعے ہمیں تعلیمی ترجیحات کا تعین کر کے انہیں بین الاقوامی مقابلے کیلئے تیار کر کے اور جدید ترقی پسند تعلیمی نصاب کو تبدیل کرنے کا موقع ملا ہے ۔
سنہا نے علم کو دولت میں تبدیل کرنے کیلئے نتیجہ پر مبنی تعلیم پر زور دیا اور کہا کہ طلبہ کو نتائج پر مبنی تعلیم کے ذریعے یونیورسٹی کی سطح پر جدت کی حوصلہ افزائی کر کے تکنیکی خدمات کے نیٹ ورک سے منسلک کیا جا سکتا ہے ۔
کنووکیشن کے دوران لیفٹیننٹ گورنر نے ۴۴ تمغے عطا کئے جن میں ۴چانسلر گولڈ میڈل‘۴ یونیورسٹی گولڈ میڈل ‘۱۵ یونیورسٹی سلور میڈل اور۲۱ انفوسس فاؤنڈیشن پرائز آف ایکسیلینس شامل تھے ۔