شکر اور چاول نرم، دالوں اور خوردنی تیلوں میں اتار چڑھاؤ

نئی دہلی، 2 اکتوبر (یو این آئی) گھریلو تھوک جنس بازاروں میں جمعہ کو شکر کی اوسط قیمت میں نرمی دیکھی گئی۔ شکر کے ساتھ چاول کے نرخ بھی گر گئے۔ گندم میں استحکام رہا، جبکہ دالوں اور خوردنی تیلوں کی قیمتوں میں اتار چڑھاؤ کا رخ رہا۔
میٹھے کے تھوک بازار میں شکر کی اوسط قیمت 27 روپے ٹوٹ کر 5,102 روپے فی کوئنٹل رہ گئی۔ وہیں گُڑ کی قیمت 47 روپے بڑھ کر 5,946 روپے فی کوئنٹل پر پہنچ گئی۔ ریٹیل بازار میں شکر کی اوسط قیمت 33 پیسے گھٹ کر 55.29 روپے فی کلوگرام رہ گئی۔ اوسط درجے کے چاول کی اوسط قیمت 81 روپے گر کر 4,109 روپے فی کوئنٹل رہ گئی۔ گندم 2,889 روپے فی کوئنٹل پر تقریباً مستحکم رہا۔ آٹے کا نرخ 22 روپے چڑھ گیا۔
دالوں اور دلہن میں مسور دال کی اوسط قیمت 64 روپے فی کوئنٹل چڑھ گئی۔ تور دال 30 روپے اور اڑد دال 13 روپے مہنگی ہوئی۔ وہیں مونگ دال 34 روپے اور چنا دال 18 روپے فی کوئنٹل ٹوٹ گئی۔ ملیشیا کے برسا ملیشیا ڈیریویٹوز ایکسچینج میں آج پام آئل کا دسمبر فیوچر 21 رنگٹ ٹوٹ کر 4,533 رنگٹ فی ٹن رہ گیا۔ دسمبر کا امریکی سویا آئل فیوچر 0.73 فیصد کی مضبوطی کے ساتھ 67.82 سینٹ فی پاؤنڈ بولا گیا۔
مقامی بازار میں سورج مکھی کا تیل اوسطاً 79 روپے اور مونگ پھلی کا تیل 72 روپے فی کوئنٹل سستا ہوا۔ پام آئل 63 روپے اور سویا آئل 17 روپے پھسل گیا۔ ونسپتی کی قیمت 80 روپے اور سرسوں کے تیل کی قیمت 30 روپے فی کوئنٹل بڑھ گئی۔