ویدانتا دہلی ہاف میراتھن میں روہتک کی 58 سالہ بیملا بنوالا بھی دوڑیں گی

نئی دہلی، 26 اگست (یو این آئی) 58 سالہ بیملا بنوالا جب ویدانتا دہلی ہاف میراتھن میں حصہ لیں گی تو ان کے پاس 100 سے زیادہ ریس مکمل کرنے کا تجربہ ہوگا، جن میں 50 سے زیادہ ہاف میراتھن، پانچ فل میراتھن اور 10 کلومیٹر سمیت طویل فاصلے کی کئی ریس شامل ہیں۔
روہتک کی رہنے والی بیملا نے 2020 میں وبا کے دوران دوڑنا شروع کیا تھا، جو اب ان کا شوق بن چکا ہے۔ وہ ہر سال تقریباً 10 ریس میں حصہ لیتی ہیں۔ ان کے شوہر چندرپال بنوالا بھی دوڑ کے شوقین ہیں اور دونوں کئی مقابلوں میں ساتھ حصہ لے چکے ہیں۔
بیملا کا کہنا ہے کہ دوڑنے سے انہیں خوشی، مثبت توانائی اور ذہنی تازگی ملتی ہے۔ چندرپال نے بھی دوڑ کو اپنی زندگی کا اہم حصہ قرار دیا ہے۔ دونوں نے دہلی، ممبئی، کولکاتا اور بنگلورو سمیت مختلف شہروں میں کئی ریس میں شرکت کی ہے۔