ہم نے اردن میں امریکی طیاروں کو نشانہ بنایا:آئی آر جی سی

تہران، 20 جولائی (یو این آئی) ایران کی اسلامی انقلابی گارڈ کور ( آئی آر جی سی) نے کہا ہے کہ "ہم نے متعدد بھاری بیلسٹک میزائل حملوں کے دوران، اردن کے عقبہ ہوائی اڈے پر موجود، امریکی طیاروں کو نشانہ بنایا ہے انقلابی گارڈز کے مطابق انہوں نے عقبہ ہوائی اڈے پر موجود امریکی سی-17 فوجی کارگوطیاروں اور پی 8 نگرانی طیاروں پر بیلسٹک میزائل داغے ہیں جس کے نتیجے میں متعدد طیاروں کو شدید نقصان پہنچا ہے ایران کے سرکاری نشریاتی ادارے اسلامی جمہوریہ ایران براڈکاسٹنگ (آئی آر آئی بی) کی جانب سے نشر کردہ ایک بیان میں آئی آر جی سی نے یہ دعویٰ بھی کیا ہے کہ اردن کے موافق السلطي/ازرق ہوائی اڈے پر امریکی افواج کے زیرِ استعمال 20 ہینگر تباہ کر دیئے گئے ہیں۔
مہر نیوز ایجنسی کے مطابق، ایران کے مغربی صوبے کرمانشاہ کے شہر اسلام آبادِ غرب کے اوپر ایک Qایم کیو-9 ڈرون کو گرا دیا گیا ہے۔ مہر کے مطابق اس ڈرون کو ایران کی انقلابی گارڈ ایرو اسپیس فورس کے زیرِ استعمال ایک جدید اور ایران کے مربوط فضائی دفاعی نیٹ ورک سے مربوط فضائی دفاعی نظام نے نشانہ بنایا ہے۔
دوسری جانب، نیم سرکاری خبر ایجنسی تسنیم نیوز کے مطابق انقلابی گارڈ نے اطلاع دی ہے کہ گزشتہ رات آبنائے ہرمز کے جنوبی حصے میں دو تیل بردار ٹینکروں میں دھماکے ہوئے اور انہیں روک دیا گیا ہے۔ انقلابی گارڈز کا کہنا تھا کہ یہ جہاز اس اہم آبی گزرگاہ سے گزرنے کی کوشش کر رہے تھے اور یہ "امریکی دباؤ” کی علامت ہے۔ انقلابی گارڈز نے خبردار کیا ہے کہ”یہ راستہ نہ تو کیمیائی کھاد کی ترسیل کے لیے محفوظ ہے اور نہ ہی تیل اور گیس کے ایک قطرے کی نقل و حمل کے لیے۔جب تک امریکہ خطے میں اپنی فوجی کارروائیاں جاری رکھے گا، اس آبی راہداری کی سلامتی یقینی نہیں بنائی جا سکتی”۔
دوسری جانب، امریکہ کے وزیرِ خارجہ مارکو روبیو نے کہا ہے کہ ایراندباو ڈالنے کے لئے آبنائے ہرمز کو بطور ہتھیار استعمال کر رہا ہے لہٰذا دیگر ممالک اس معاملے پر "عملی اقدامات” کریں۔ روبیو نے مزید کہا ہے کہ امریکہ ایران کے ساتھ سفارتی حل پر اب بھی آمادہ ہے۔