ایجنسیاں
جموں؍۶ جولائی
جموں و کشمیر کے ضلع راجوری میں لائن آف کنٹرول (ایل او سی) کے نزدیک ایک اگلے مورچے والے گاؤں کے اوپر مشتبہ پاکستانی ڈرون دیکھے جانے کے بعد پیر کی صبح سیکورٹی فورسز نے وسیع پیمانے پر تلاشی مہم شروع کی۔ حکام نے یہ اطلاع دی۔
حکام کے مطابق چمکتی ہوئی روشنی سے لیس ڈرون نما شے اتوار کی دیر رات سندر بنی سیکٹر کے اگلے دیہات مینکا اور بیری پٹن کے اوپر دیکھی گئی۔
سرکاری ذرائع نے بتایا کہ مشتبہ ڈرون کچھ دیر کے لیے بھارتی حدود میں داخل ہوا، تاہم بعد ازاں واپس لائن آف کنٹرول عبور کرکے پاکستان کی جانب چلا گیا۔
حکام کے مطابق سیکورٹی فورسز نے فوری طور پر علاقے کا محاصرہ کر لیا اور پیر کی صبح روشنی ہوتے ہی تلاشی مہم شروع کی تاکہ یہ معلوم کیا جا سکے کہ آیا ڈرون نے بھارتی حدود میں کوئی سامان، جیسے منشیات یا اسلحہ، تو نہیں گرایا۔
انہوں نے بتایا کہ تلاشی کارروائی کے دوران کوئی بھی مشتبہ یا قابل اعتراض مواد برآمد نہیں ہوا۔ (پی ٹی آئی)
