سرینگر؍۲۰؍اپریل
سرینگر میں پانی کی فراہمی میں مجوزہ خلل، جو منگل سے شروع ہونا تھا، مؤخر کر دیا گیا ہے، حکام نے پیر کے روز بتایا۔
سپرنٹنڈنگ انجینئر پی ایچ ای انبرینہ انجم نے کہا کہ بندش کو مؤخر کرنے کا فیصلہ انتظامی وجوہات کی بنیاد پر کیا گیا۔
انجم نے کہا’’نئی تاریخوں کا اعلان جلد کیا جائے گا‘‘۔
یہ بندش اس سے قبل سندھ پاور کینال پر مرمتی کاموں کے پیش نظر طے کی گئی تھی، جو سرینگر اور اس سے ملحقہ علاقوں کے اہم واٹر ٹریٹمنٹ پلانٹس کو خام پانی فراہم کرتی ہے۔
اس التوا سے مقامی لوگوں کو عارضی راحت ملی ہے، جو ۴۸گھنٹے کی پانی کی قلت کے لیے تیاری کر رہے تھے۔
حکام نے عوام کو ہدایت دی ہے کہ وہ نظرثانی شدہ تاریخوں اور مزید ہدایات کے لیے سرکاری ذرائع سے جاری معلومات پر نظر رکھیں۔
حکام کے مطابق مرمتی کام کو دوبارہ شیڈول کیا جائے گا اور آئندہ کسی بھی بندش سے قبل پیشگی اطلاع دی جائے گی۔
