دھنکھڑنے مودی کی موجودگی میں نائب صدر کے انتخاب کے لیے پرچہ نامزدگی داخل کیا

نئی دہلی/۱۸جولائی
نیشنل ڈیموکریٹک الائنس (این ڈی اے ) کے امیدوار جگدیپ دھنکھڑ نے پیر کو وزیر اعظم نریندر مودی، کئی سینئر مرکزی وزراءاور آئینی پارٹیوں کے لیڈروں کی موجودگی میں اپنا پرچہ نامزدگی داخل کیا۔
مغربی بنگال کے گورنرر‘ دھنکھڑ، تقریباً ۱۲بجے پارلیمنٹ ہا ¶س پہنچے اور لوک سبھا کے سکریٹری جنرل کے دفتر میں اپنا پرچہ نامزدگی داخل کیا۔ اس موقع پر وزیر اعظم مودی کے علاوہ وزیر دفاع راج ناتھ سنگھ، مرکزی وزیر داخلہ امت شاہ، مرکزی سڑک اور ٹرانسپورٹ کے وزیر نتن گڈکری، بھارتیہ جنتا پارٹی کے صدر جگت پرکاش نڈا، اے آئی اے ڈی ایم کے کے ایم تھمبی دورائی، اپنا دل کی انوپریہ پٹیل، رام داس اٹھاولے اور دیگر موجود تھے ۔ ریپبلکن پارٹی کے دیگر رہنما بھی موجود تھے ۔
اس سے قبل، تقریباً ساڈھے گیارہ بجے ‘ مودی، شاہ‘ سنگھ اور این ڈی اے کے وزراءاور تمام اراکین پارلیمنٹ پارلیمنٹ لائبریری کی عمارت میں جمع ہوئے اور کاغذات نامزدگی سے متعلق ضروری رسمی کارروائیوں کو مکمل کیا۔ اس کے بعد سبھی وہاں سے پیدل لوک سبھا سکریٹری جنرل کے دفتر پہنچے ۔
دھنکھڑ نے اتوار کو ہی مغربی بنگال کے گورنر کے عہدے سے استعفیٰ دے دیا تھا۔
اپوزیشن نے مارگریٹ الوا کو نائب صدارتی انتخاب کے لیے اپنا امیدوار نامزد کیا ہے ۔ امکان ہے کہ وہ کل اپنے کاغذات نامزدگی داخل کریں گی۔
منگل کو نائب صدر کے انتخاب کےلئے کاغذات نامزدگی داخل کرنے کا آخری دن ہے ۔ انتخابات۶اگست کو ہوں گے ۔