افغانستان ‘ناحق گرفتاریوں کا حامی ملک’ ہے:امریکہ

واشنگٹن، 10 مارچ (یو این آئی) امریکہ کے وزیرِ خارجہ مارکو روبیو نے کہا ہے کہ اافغان حکومت کے زیرِ عمل اقدامات کی وجہ سے افغانستان کو سرکاری طور پر "ناحق گرفتاریوں کا حامی ملک” تسلیم کر لیا گیا ہے۔
روبیو نے کل بروز پیر جاری کردہ بیان میں کہا ہے کہ "آج میں، افغانستان کو’ ناحق حراستوں کی سرپرست ریاست’ نامزد کر رہا ہوں۔ طالبان، پالیسی رعایتیں حاصل کرنے کی خاطر، دہشت گردی اوراغوا برائے تاوان کے حربے استعمال کرتے ہیں۔ ان مذموم حربوں کا خاتمہ ضروری ہے۔”
افغانستان کی مذکورہ درجہ بندی امریکیوں اور دیگر غیر ملکیوں کی ناحق گرفتاریوں سے متعلق موصول ہونے والی لاتعدادخبروں کے بعد کی گئی ہے۔
روبیو نے خبردار کیا ہےکہ "افغانستان، امریکی شہریوں کے لیے، بدستور خطرناک ہے۔امریکی شہریوں کے لیے افغانستان کا سفر محفوظ نہیں ہے کیونکہ طالبان ہمارے شہریوں اور دیگر غیر ملکی شہریوں کو غیر قانونی شکل میں تحویل میں لیتے رہتے ہیں۔”
انہوں نے مزید کہا ہے کہ "طالبان کو ڈینس کوائل، محمود حبیبی اور افغانستان میں ناجائز طور پر حراست میں رکھے گئے دیگر تمام امریکیوں کو فوراً رہا کرنا اور یرغمالی سفارت کاری حکمت عملی کو ہمیشہ کے لئے ختم کرنے کا عہد کرنا چاہیے”۔