روسی حملے میں 3 بچوں سمیت چار افراد ہلاک ہو گئے: یوکرین

کیف، 11 فروری (یو این آئی) مشرقی یوکرین کے شہر بوگودوخِیف پر روسی حملے میں تین بچوں سمیت چار افراد ہلاک ہو گئے۔ ایک اہلکار نے یہ اطلاع دی ہے۔
علاقائی فوجی سربراہ اولیگ سینیگوبوف کے مطابق، ایک سال کے دو لڑکے اور ایک دو سالہ لڑکی روسی حملے کے نتیجے میں ہلاک ہوگئے۔
سینیگوبوف نے ٹیلیگرام پر کہا کہ بچوں سمیت اسی گھر میں موجود ایک 34 سالہ مرد بھی زخموں کی تاب نہ لاتے ہوئے ہلاک ہوگیا۔
انہوں نے مزید کہا کہ ایک 74 سالہ خاتون زخمی ہوئی اور اسے طبی امداد دی جا رہی ہے۔
ایک پہلے بیان میں انہوں نے کہا تھا کہ حملے میں ایک 35 سالہ حاملہ خاتون بھی زخمی ہوئی ہے۔
بوگودوخِیف خارکیف میں واقع ہے جہاں حالیہ دنوں میں روسی افواج نے نقل و حمل اور توانائی کے انفراسٹرکچر پر حملے تیز کر دیے ہیں۔
دریں اثناء،گزشتہ شب ڈرون حملے سے روس کے جنوبی علاقے وولگوگراد میں ایک صنعتی ادارے کے احاطے میں آگ بھڑک اٹھی۔
ریاستی گورنر اندری بوچاروف نے ٹیلیگرام پر کہا کہ روسی وزارتِ دفاع کے فضائی دفاعی یونٹس وولگوگراد علاقے میں توانائی اور شہری انفراسٹرکچر کے تنصیبات پر ڈرونز حملے کو پسپا کر رہے ہیں۔
انھوں نے کہا کہ حملے سے ایک رہائشی عمارت کو نقصان پہنچا اور ڈرون کے ملبے کا ٹکڑا کنڈرگارٹن کے احاطے میں بھی گرا۔
البتہ فوری طور پر کسی جانی نقصان کی اطلاع موصول نہیں ہوئی۔