واشنگٹن، 26 دسمبر (یو این آئی) امریکی صدر ڈونالڈ ٹرمپ نے جمعرات کو کہا کہ امریکی فوج نے شمال مغربی نائجیریا میں اسلامک اسٹیٹ (داعش) کے خلاف ایک "طاقتور اور مہلک” حملہ کیا ہے ۔
ٹرمپ نے ٹروتھ سوشل پر لکھا کہ "آج رات، بطور کمانڈر اِن چیف میرے احکامات پر امریکہ نے شمال مغربی نائجیریا میں داعش کے دہشت گرد گروہ کے خلاف ایک طاقتور اور مہلک حملہ کیا۔ وہ کئی برسوں سے ، بلکہ صدیوں میں نہ دیکھی گئی سطح پر، بنیادی طور پر بے گناہ عیسائیوں کو نشانہ بنا رہے ہیں اور بے رحمی سے قتل کر رہے ہیں!”
ٹرمپ نے کہا کہ "محکمۂ جنگ نے متعدد انتہائی درست حملے کیے ہیں” اور اس عزم کا اظہار کیا کہ امریکہ شدت پسند اسلامی دہشت گردی کو پنپنے نہیں دے گا۔
ملائیشیا کے سابق وزیراعظم نجیب رزاق منی لانڈرنگ اور اختیارات کے ناجائز استعمال کے مجرم قرار
کوالالمپور، 26 دسمبر (یو این آئی) ملائیشیا کے سابق وزیراعظم نجیب رزاق کو اختیارات کا ناجائز استعمال کرنے پر مجرم قرار دے دیا گیا۔
غیرملکی میڈیا کے مطابق ہائی کورٹ نے نجیب رزاق کو 4 مقدمات میں مجرم قرار دیا ہے ۔
سابق وزیراعظم کو منی لانڈرنگ کا مجرم بھی قرار دیا گیا ہے ، ان کو منی لانڈرنگ کے 21 الزامات میں مجرم قرار دیا گیا۔
غیرملکی میڈیا کے مطابق سابق وزیراعظم کو ہر الزام پر 15سے 20 سال قید کی سزا دی جاسکتی ہے اور ساتھ ہی ہر الزام پر بھاری جرمانے بھی ہوسکتے ہیں۔
