بی جے پی حکومت نے دیویانگ یونیورسٹی کا کام روک دیا: گہلوت

جے پور، 3 دسمبر (یو این آئی) راجستھان کے سابق وزیر اعلی اور کانگریس کے سینئر لیڈر اشوک گہلوت نے ریاست کی بھارتیہ جنتا پارٹی (بی جے پی) حکومت پر ڈس ایبلڈ یونیورسٹی کے کام کو روکنے اور اسکوٹیوں کی تعداد کم کرنے کا الزام لگایا ہے ۔
مسٹر گہلوت نے بدھ کو عالمی یوم معذوری کے موقع پر اپنے بیان میں یہ الزام لگایا۔ انہوں نے کہا، "ہماری حکومت کا نصب العین ہمیشہ ‘خدمت اور حساسیت’ رہا ہے ۔ کانگریس حکومت نے معذوروں کی مدد کے لیے سرکاری ملازمتوں میں چار فیصد ریزرویشن، کم از کم انکم گارنٹی ایکٹ کے تحت معذوری پنشن 1000 اور 15 فیصد سالانہ اضافہ، سالانہ پانچ ہزار اسکوٹی، شادی کی امداد کے طور پر پانچ لاکھ روپے اور ریاست میں معذوروں کے لیے دو یونیورسٹیوں جیسے فیصلی لیے تھے ۔
مسٹر گہلوت نے کہا کہ یہ افسوسناک ہے کہ موجودہ بی جے پی حکومت نے یونیورسٹی کا کام روک دیا ہے اور اسکوٹیوں کی تعداد بھی کم کردی ہے ۔ حکومتیں بدلتی ہیں لیکن عوامی مفادات اور حساسیت سے سمجھوتہ نہیں ہونا چاہیے ۔ انہوں نے اس موقع پر تمام معذور افراد کی ہمت اور جذبے کو سلام پیش کیا۔