وار پورہ میں جامعہ اسلامیہ انسٹی ٹیوٹ پر پولیس کا چھاپہ

سرینگر/۲۷نومبر
قابل اعتماد خفیہ اطلاعات کی بنیاد پر ہندواڑہ پولیس نے جمعرات کو جامعہ اسلامیہ انسٹی ٹیوٹ وارپورہ میں اچانک چھاپہ مار کارروائی انجام دی۔
پولیس ذرائع کے مطابق تلاشی کے دوران متعدد الیکٹرانک ڈیوائسز، دستاویزات اور ریکارڈ قبضے میں لے کر تحقیقات کے لیے ضبط کر لیے گئے ہیں۔
ابتدائی معلومات کے مطابق کارروائی کا مقصد ادارے کی سرگرمیوں کی جانچ کرنا اور مشکوک روابط، خصوصاً ممنوعہ جماعتِ اسلامی سے ممکنہ وابستگی کی تصدیق کرنا تھا۔
پولیس کا کہنا ہے کہ ضبط شدہ مواد کی تکنیکی جانچ کے بعد حقائق سامنے آئیں گے اور ایسی کارروائیاں دہشت گردی کے ماحولیاتی نظام کو توڑنے کے لیے مستقبل میں بھی جاری رہیں گی۔