یوراج سندھو نے سات اسٹروک کی برتری سے انڈین آئل سرو ماسٹرز خطاب جیتا

ڈِگبوئی (آسام)، 21 نومبر (یو این آئی) یوراج سندھو نے مسلسل دو پلے آف میں شکست کے بعد شاندار واپسی کی اور جمعہ کو ڈِگبوئی گولف لنکس میں کھیلے گئے مشہور انڈین آئل سروو ماسٹرز جو ایک کروڑ روپے انعامی رقم کا ایونٹ ہے ،میں سات اسٹروک کی زبردست برتری سے خطاب جیت لیا۔
یوراج (65-69-66-69)، جنہوں نے تیسرے راؤنڈ کے بعد چھ اسٹروک کی شاندار برتری حاصل کی تھی، نے انڈین آئل سروو ماسٹرز کے تاریخی 25ویں ایڈیشن کے چوتھے راؤنڈ میں تین انڈر 69 کا بہترین اسکور بنایا اور ہفتے کا کل اسکور 19-انڈر 269 کر لیا۔ نتیجتاً، چنڈی گڑھ کے 28 سالہ اس کھلاڑی نے اس سیزن کی اپنی پانچویں جیت حاصل کی اور پی جی ٹی آئی آرڈر آف میرٹ میں اپنی برتری مزید بڑھا لی۔
مسلسل چیمپیئن رہے یوراج نے 15 لاکھ روپے کی انعامی رقم اپنے نام کی، جس سے ان کی سیزن کی کمائی بڑھ کر 1,21,67,100 روپے ہو گئی۔ سندھو اب پی جی ٹی آئی رینکنگ میں 29 لاکھ روپے سے زیادہ کی برتری بنائے ہوئے ہیں۔
گزشتہ سال کے فاتح، بنگلہ دیش کے جمال حسین (68-73-70-65) نے آخری دن سب سے کم اسکور 65 بنایا اور رات بھر کی مشترکہ آٹھویں پوزیشن سے چھ درجے اوپر آتے ہوئے 12-انڈر 276 کے کل اسکور کے ساتھ دوسری پوزیشن حاصل کی۔
کٹ بنانے والے واحد مقامی پروفیشنل، ڈِگبوئی کے دیویَن بھومِج نے 10-اوور 298 کے اسکور کے ساتھ ہفتے کا اختتام 54ویں مقام پر کیا۔
پہلے دن سے آخر تک لیڈر رہے یوراج سندھو نے پی جی ٹی آئی سیزن میں اپنی پچھلی بہترین پانچ فتوحات کی برابری کی، جو انہوں نے 2022 میں حاصل کی تھیں۔ سندھو نے جمعہ کو ابتدا میں معمولی کارکردگی کا مظاہرہ کیا جب انہوں نے دوسری ہول پر بوگی کی، تاہم انہوں نے تیسرے اور پانچویں ہول پر برڈی اور ساتویں ہول پر آٹھ فٹ سے ایگل اسکور کرکے زبردست واپسی کی اور آٹھ شاٹس کی بھاری برتری حاصل کر لی۔
یوراج کی 12ویں اور 17ویں ہول پر لگی بوگی کو 15ویں اور 16ویں ہول کی برڈی نے دور کر دیا اور آخر میں وہ آرام سے جیت تک پہنچ گئے۔
ڈِگبوئی میں سب سے کم 23-انڈر 265 کے وِننگ ٹوٹل کا ریکارڈ رکھنے والے یوراج نے کہا:”یہ میرے لئے کافی آرام دہ دن تھا کیونکہ راؤنڈ کے آغاز میں ہی مجھے بڑی برتری حاصل تھی۔ یوراج نے جمعہ کو اپنی 14ویں پروفیشنل جیت درج کی۔
جمال حسین کے 65 کے اسکور میں ایک ایگل اور پانچ برڈی شامل تھیں۔ رَنر اَپ رہنے پر انہیں 10 لاکھ روپے ملے اور وہ پی جی ٹی آئی رینکنگ میں آٹھویں سے پانچویں مقام پر پہنچ گئے۔شوریہ کے تیسرے مقام پر آنے سے وہ پی جی ٹی آئی رینکنگ میں تیسرے سے دوسرے نمبر پر آ گئے، کیونکہ اس سیزن میں ان کی کمائی بڑھ کر 92,52,075 روپے ہو گئی ہے۔