واشنگٹن، 20 نومبر (یو این آئی) کئی سال سے جاری روس۔یوکرین جنگ کے خاتمہ کے لئے امریکی صدر ڈونالڈ ٹرمپ نے خصوصی پہل کی ہے ۔
امریکی میڈیا نے دعویٰ کیا ہے کہ صدر ٹرمپ نے خاموشی سے رواں ہفتے روس یوکرین امن منصوبے کی منظوری دے دی ہے ۔
امریکی میڈیا کی جانب سے گزشتہ دنوں یہ خبر دی گئی تھی کہ ٹرمپ انتظامیہ خفیہ طور پرروس کی مشاورت سے یوکرین جنگ کے خاتمے کا نیا منصوبہ بنارہی ہے اور امریکی خصوصی ایلچی اسٹیو وٹکوف نئے منصوبے کی سمت طے کرنے میں پیش پیش ہیں۔
امریکی میڈیا نے اب یہ دعویٰ کیا ہے کہ صدر ٹرمپ نے خاموشی سے رواں ہفتے روس یوکرین امن منصوبے کی منظوری دے دی ہے ۔
رپورٹ کے مطابق امریکی خصوصی ایلچی نے روسی سفیر اوریوکرینی صدرکے سکیورٹی ایڈوائزر سے بھی منصوبے پربات چیت کی ہے ۔
رپورٹ کے مطابق روس اوریوکرین کی جنگ کے خاتمے کے 28 نکات پر مشتمل روڈ میپ میں یوکرین میں امن اور سکیورٹی گارنٹی شامل ہے جب کہ یورپ کی سلامتی اور مستقبل میں امریکہ کے روس اوریوکرین سے تعلقات کے معاملات بھی شامل ہیں۔ان نکات میں یورپ کی سلامتی اور مستقبل میں امریکہ کے روس اور یوکرین سے تعلقات کے معاملات بھی شامل ہیں۔
دوسری جانب خبر رساں ایجنسی کا کہنا ہے کہ امریکی امن پلان کے تحت یوکرین کو اراضی اور کچھ اسلحہ سے دستبردار ہونا پڑسکتا ہے ۔
