جنوبی یونان میں کشتی الٹنے سے تین افراد ہلاک

ایتھنز، 12 نومبر (یواین آئی) جنوبی یونان کے جزیرے گاوڈوس کے قریب تارکین وطن کی کشتی الٹنے سے تین افراد ہلاک ہوگئے ، جب کہ 56 دیگر کو بچا لیا گیا ہے ۔
ریاستی نشریاتی ادارے ای آرٹی کے مطابق یہ حادثہ منگل کو پیش آیا۔ ہیلینک کوسٹ گارڈ نے کہا کہ خراب موسم کے باوجود ممکنہ طور پر لاپتہ افراد کی تلاش کے لیے بڑے پیمانے پر تلاش اور بچاؤ آپریشن جاری ہے ۔ زندہ بچ جانے والے اس بات کی تصدیق کرنے سے قاصر ہیں کہ کشتی ڈوبنے کے وقت اس میں کتنے افراد سوار تھے ۔
یورپی بارڈر اینڈ کوسٹ گارڈ ایجنسی (فرونٹیکس) یونانی حکام کی اس کارروائی میں مدد کر رہی ہے ۔ متاثرین اور زندہ بچ جانے والوں کی قومیت کی ابھی تک تصدیق نہیں ہو سکی ہے ۔ قابل غور ہے کہ جزیرے کریٹ کے جنوب میں واقع گاودوس شمالی افریقہ سے یورپ پہنچنے کی کوشش کرنے والے تارکین وطن کے ذریعہ استعمال کیے جانے والے راستوں کے پاس واقع ہے ۔ یونان 2015 سے یورپی یونین میں غیر قانونی تارکین وطن اور پناہ گزینوں کے لیے داخلے کے اہم مقامات میں سے ایک رہا ہے اور 2015 سے اب تک 10 لاکھ سے زیادہ لوگ اس کی سرحدوں کو عبور کر چکے ہیں۔ حالیہ برسوں میں بحیرہ روم میں غیر محفوظ کشتیوں میں یورپ پہنچنے کی کوشش کے دوران سینکڑوں افراد اپنی جانیں گنوا چکے ہیں۔