محترمہ گلوریا گنگٹے ناروے میں ہندوستان کی نئی سفیر مقرر

نئی دہلی، 23 ستمبر (یو این آئی) مالٹا میں ہندوستانی ہائی کمشنر محترمہ گلوریا گنگٹے کو ناروے میں ہندوستان کی نئی سفیر مقرر کیا گیا ہے ۔ وزارتِ خارجہ نے منگل کے روز بتایا کہ ہندوستانی خارجہ سروس کی 2000 بیچ کی افسر محترمہ گنگٹے کے جلد ہی اپنے عہدے کا چارج سنبھالنے کی توقع ہے ۔مالٹا میں ہائی کمشنر مقرر ہونے سے قبل وہ وزارتِ خارجہ میں جوائنٹ سکریٹری کے عہدے پر فائز تھیں۔ فی الحال ڈاکٹر بی۔ بالا بھاسکر ناروے میں ہندوستان کے سفیر ہیں۔
ہندوستان اور ناروے کے درمیان آزادی کے بعد سے ہی دوستانہ اور مضبوط دوطرفہ تعلقات قائم ہیں۔ دونوں ممالک کے درمیان دوطرفہ تجارت بھی مسلسل بڑھ رہی ہے اور گزشتہ دو برسوں میں د وگنی ہو کر دو ارب ڈالر تک پہنچ گئی ہے ۔