سرینگر/۱۶مارچ
جموں کشمیر کے ۱۶؍اضلا ع میں کورونا وائرس کا کوئی نیا مثبت کیس درج نہیں ہوا ہے جبکہ باقی ماندہ ۴؍اضلاع میں ۱۶ نئے معاملات سامنے آئے ہیں۔
گزشتہ ۲۴ گھنٹوں کے دوران کورونا وائر س سے کوئی نئی موت بھی درج نہیں ہو ئی ہے ۔
ایک سرکاری بیان میں کہا گیا ہے کہ پچھلے چوبیس گھنٹوں کے دوران کورونا وائرس کے۱۷نئے مثبت معاملات سامنے آئے ہیںجن میں سے۹کا کشمیر ور ۸کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۴۹۳تک پہنچ گئی ہے‘ جن میں سے۱۶۳(صوبہ جموں میں۵۷؍اور کشمیر صوبے میں۱۰۶)سر گرم معاملات ہیں۔اَب تک۴لاکھ۴۸ہزار۵۸۰اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۸؍اورضلع بڈگام میں ایک ن نیامعاملہ درج ہوا ہے۔بارہمولہ،پلوامہ ، کپواڑہ ،اسلام آباد، بانڈی پورہ ،گاندربل ،کولگام اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح جموں میں۶؍ اور ضلع ڈوڈہ میں ۲نئے معاملات آج سامنے آئے ہیں ۔اودھمپور ،راجوری ،کٹھوعہ ،سانبہ ،کشتواڑ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ گزشتہ ۲۴ گھنٹوں میں دونوں صوبوں میں کووڈ سے کوئی تازہ موت درج نہیںہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ،جن میں سے۲۴۲۳کا کشمیر اور۲۳۲۷کاتعلق جموں صوبہ سے ہے۔
اِسی دوران آج مزید۳۹؍اَفراد شفایاب ہوئے ہیںجن میںجموں صوبے کے۲۲؍اورکشمیر کے۱۷؍افرادشامل ہیں۔