ساتوکسائی راج رنکی ریڈی ،چراغ اور لکشے کوارٹر فائنل میں

ہانگ کانگ، 12 ستمبر (یو این آئی) ساتوکسائی راج رنکی ریڈی اور چراغ شیٹی نے تھائی لینڈ کے پیرچائی سکفون اور پکاپون تیراتساکل کو سخت مقابلہ دیتے ہوئے لی-نِنگ ہانگ کانگ اوپن 2025 کے کوارٹر فائنل میں داخلہ حاصل کر لیا ہے۔
ہندستانی جوڑی پہلا گیم 18-21 سے ہار گئی تھی، لیکن شاندار واپسی کرتے ہوئے اگلے دو گیم 21-15، 21-11 سے جیت کر صرف 63 منٹ میں میچ اپنے نام کر لیا۔
مردوں کے سنگلز کے پری کوارٹر فائنل میں لکشے سین نے ایچ ایس پرنئے کو شکست دے کر کوارٹر فائنل میں جگہ مستحکم کی۔ پرنئے نے شاندار آغاز کرتے ہوئے پہلا گیم 21-15 سے جیتا، لیکن سین نے زبردست واپسی کرتے ہوئے اگلے دو گیم 68 منٹ میں 21-18، 21-10 سے جیت کر کامیابی حاصل کی