چیک جمہوریہ کے سابق وزیر اعظم بابیس پر انتخابی ریلی کے دوران حملہ

(یو این آئی)
پراگ/۲ستمبر
چیک نیوز ایجنسی کے مطابق پیر کے روزایک انتخابی ریلی کے دوران چیک جمہوریہ کے سابق وزیر اعظم آندریج بابیس پر ایک شخص نے سر پر حملہ کر دیا، خبر کے مطابق یہ حملہ مشرقی شہر ڈوبرا میں ہوا ہے ۔
ایجنسی نے بابیس کی پارٹی اے این او کے ترجمان کے حوالے سے بتایا کہ بابیس۲۰۱۷سے۲۰۲۱ تک چیک جمہوریہ کے وزیر اعظم رہے ، حادثے کے بعد بابیس جانچ کے لیے اسپتال گئے ، فی الحال مزید تفصیلات کا پتہ نہیں چل سکا ہے ۔
چیک پولیس نے سوشل میڈیا پلیٹ فارم ایکس پر بتایا کہ وہاں موجود افسران نے حملے کے فوراً بعد اس شخص کو حراست میں لے لیا اور معاملے کی تفتیش کی جا رہی ہے ۔
اے این او کے پہلے نائب صدر کیرل ہیولیسیک نے ایکس پر لکھا کہ یہ واقعہ مبینہ طور پر سیاسی حریفوں کی جانب سے چلائی جانے والی نفرت انگیز مہم کا نتیجہ ہے ۔
حملے پر ردعمل ظاہر کرتے ہوئے وزیر داخلہ وٹ راکوسان نے زور دیتے ہوئے کہا کہ تشدد کسی بھی شکل میں ناقابل قبول ہے ۔
انہوں نے ایکس پر کہا کہ میں آج آندریج بابیس پرہوئے حملے کی سختی سے مذمت کرتا ہوں۔ آئیے ہم جسمانی تشدد کے بجائے دلائل اور نظریات کے اختلافات کے سہارے اپنے ملک کے مستقبل کوبہتر بنانے کی کوشش کریں۔‘‘