جموں//
۲۰۱۳ بیچ کے آئی اے ایس افسر انشول گرگ کو منگل کو کشمیر کا ڈویڑنل کمشنر مقرر کیا گیا۔ حکومت نے آج انتظامیہ میں ردوبدل کرتے ہوئے ۱۰آئی اے ایس اور۴؍جے کے اے ایس افسران کے تبادلوں اور تقرریوں کا اعلان کیا ۔
جنرل ایڈمنسٹریشن ڈپارٹمنٹ (جی اے ڈی) کی طرف سے جاری ایک حکم نامے میں کہا گیا ہے کہ شری ماتا ویشنو دیوی شرائن بورڈ کے چیف ایگزیکٹو آفیسر گرگ کو کشمیر کے ڈویڑنل کمشنر کے طور پر منتقل اور تعینات کیا گیا ہے۔
موجودہ ڈویڑنل کمشنر وی کے بدھوری کو مرکزی وزارت داخلہ نے اس سال ۱۶ مئی کو دہلی منتقل کیا تھا۔
لیفٹیننٹ گورنر منوج سنہا کے حکم پر منگل کو دس آئی اے ایس افسران اور چار جے کے اے ایس افسران کا تبادلہ کیا گیا۔ جموں کشمیر کے چھ اضلاع کو بھی نئے ڈپٹی کمشنر ملے۔
حکم نامے میں کہا گیا ہے کہ محکمہ ٹرانسپورٹ کے سکریٹری نوین ایس ایل کو منتقل کر کے محکمہ شہری ہوا بازی کے سکریٹری کے طور پر تعینات کیا گیا ہے اور ساتھ ہی کمشنر شہری ہوا بازی کا اضافی چارج شاہد اقبال چودھری کو عہدوں کے اضافی چارج سے فارغ کر دیا گیا ہے۔
اس میں کہا گیا ہے کہ جی اے ڈی میں پوسٹنگ کے احکامات کی منتظر اونی لواسا کو محکمہ ٹرانسپورٹ کے سکریٹری کے طور پر تعینات کیا گیا ہے ، جبکہ پونچھ کے ڈپٹی کمشنر وکاس کنڈل کو جموں و کشمیر سروسز سلیکشن بورڈ کے چیئرمین کے طور پر منتقل کیا گیا ہے۔
احکامات میں کہا گیا ہے کہ جموں کے سماجی بہبود کے ڈائریکٹر گرپال سنگھ کا تبادلہ جموں پاور ڈسٹری بیوشن کارپوریشن لمیٹڈ کے منیجنگ ڈائریکٹر کے طور پر کیا گیا ہے۔
جموں کے ڈپٹی کمشنر سچن کمار ویشیا کا تبادلہ شری ماتا ویشنو دیوی شرائن بورڈ کے چیف ایگزیکٹو آفیسر کے طور پر کیا گیا ہے۔
جی اے ڈی میں پوسٹنگ کے احکامات کے منتظر انیل بنکا کو محکمہ خزانہ کے خصوصی سکریٹری کے طور پر تعینات کیا گیا ہے ، جبکہ جموں پاور ڈسٹری بیوشن کارپوریشن لمیٹڈ کے منیجنگ ڈائریکٹر شری کانت بالا صاحب سوسے کو کپواڑہ کا نیا ڈپٹی کمشنر بنایا گیا ہے۔
کٹھوعہ کے ڈپٹی کمشنر راکیش منہاس کا تبادلہ جموں کے ڈپٹی کمشنر کے طور پر کیا گیا ہے اور کپواڑہ کی ڈپٹی کمشنر آیوشی سوڈان کا تبادلہ سامبا کے ڈپٹی کمشنر کے طور پر کیا گیا ہے۔
منظور احمد قادری ، جے کے اے ایس ، ڈپٹی کمشنر ، بانڈی پورہ کا تبادلہ کیا گیا ہے اور وہ جی اے ڈی میں ایڈجسٹمنٹ کے مزید احکامات کا انتظار کریں گے ، ان کی جگہ جموں و کشمیر سروسز سلیکشن بورڈ کے چیئرمین ، جے کے اے ایس ، اندو کنول نے لے لی ہے۔
حکم نامے میں کہا گیا ہے کہ جے کے اے ایس ، خصوصی سکریٹری ، لیبر اینڈ ایمپلائمنٹ ، اشوک کمار شرما کو پونچھ کا ڈپٹی کمشنر جبکہ جے کے اے ایس ، ڈپٹی کمشنر ، سامبا ، راجیش شرما کو کٹھوعہ کا نیا ڈپٹی کمشنر تعینات کیا گیا ہے۔
