بھارت میں ویکسین لینے والوں کی تعداد 180.60کروڑ سے متجاوز

نئی دہلی/۱۶مارچ (یو این آئی)
ملک میں کورونا وائرس (کووڈ-19 کی وبا کے معاملات میں مسلسل کمی کے درمیان گزشتہ 24 گھنٹوں میں تین ہزار 884لوگ کووڈ سے پاک ہو گئے ہیں صحت اور خاندانی بہبود کی مرکزی وزارت نے بدھ کو یہاں بتایا کہ آج صبح 7 بجے تک 180کروڑ 60لاکھ 93ہزار 107 کووڈ ویکسین دی گئی ہیں وزارت کے مطابق گزشتہ ۲۴گھنٹوں میں کووڈ انفیکشن کے دو ہزار 876 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد 32 ہزار 811 ہو گئی ہے۔ یہ کل معاملات کا 0.08 فیصد ہے۔ روزانہ انفیکشن کی شرح 0.38 فیصد تک پہنچ گئی ہے۔اسی مدت میں تین ہزار 884 لوگوں کو کووڈ سے پاک کیا گیا ہے۔ اب تک مجموعی طور پر چار کروڑ 24 لاکھ 50 ہزار 55 افراد کووڈ سے صحت یاب ہو چکے ہیں۔ شفایابی کی شرح98.72 فیصد ہے۔
گزشتہ 24 گھنٹوں میں ملک میں 7 لاکھ 52 ہزار 818 کووڈ ٹیسٹ کیے گئے ہیں۔ ملک میں اب تک کل 87.50 کروڑ سے زیادہ کووڈ ٹیسٹ کیے جا چکے ہیں۔ گزشتہ24گھنٹوں کے دوران کووڈ-19کی وجہ سے 98 مریضوں کی موت ہوئی ہے اور شرح اموات 1.20 فیصد ہے۔