سرینگر/۲۰جون
جنوبی کشمیر کے ضلع پلوامہ کے چھتہ پورہ علاقے میں سیکورٹی فورسز اور جنگجو ¶ں کے درمیان دوران شب چھڑنے والی تصادم آرائی میں لشکر طیبہ سے وابستہ ایک جنگجو مارا گیا جبکہ شمالی کشمیر کے ضلع کپوارہ کے لولاب علاقے میں اتوار کو چھڑنے والے انکا ¶نٹر میں شوکت احمد شیخ سمیت لشکر کے چار جنگجو مارے گئے ۔
کشمیر زون پولیس نے اپنے ایک ٹویٹ میں کہا کہ پلوامہ کے چھتہ بل علاقے میں دوران شب چھڑنے والے انکا ¶نٹر میں ایک جنگجو مارا گیا۔
ٹویٹ میں کہا گیا کہ علاقے میں تلاشی آپریشن ہنوز جاری ہے ۔
کپوارہ تصادم آرائی کے بارے میں جانکاری فراہم کرتے ہوئے ایک اور ٹویٹ میں کہا گیا کہ کپوارہ تصادم میں شوکت احمد سمیت لشکر طیبہ کے چار جنگجو مارے گئے ۔کپوارہ میں اتوار کو تصادم چھڑ گیا تھا اور دو جنگجو پہلے ہی مارے گئے تھے ۔
ٹویٹ میں کہا گیا کہ جائے تصادم آرائی سے اسلحہ و گولہ بارود کے علاوہ قابل اعتراض مواد بھی بر آمد کیا گیا جبکہ آپریشن ہنوز جاری ہے ۔
کشمیر زون پولیس نے اتوار کو اس انکا ¶نٹر کے متعلق ایک ٹویٹ میں کہا تھا’کمین گاہوں کی تلاشی کے دوران چھپے ہوئے جنگجو ¶ں نے سیکورٹی فورسز کی تلاشی آپریشن کی ایک ٹیم پر فائرنگ شروع کردی‘۔
ٹویٹ میں مزید کہا گیا تھا’سیکورٹی فورسز نے جوابی کارروائی کی جس کے نتیجے میں ایک جنگجو ہلاک ہوا جبکہ گرفتار شدہ جنگجو(شوکت) بھی تصادم میں پھنس گیا‘
