وائٹ نائٹ کور کے جی او سی کا راجوری سیکٹر کا دورہ

جموں//
اس دوران فوج کی وائٹ نائٹ کور کے جنرل آفیسر کمانڈنگ (جی او سی) لیفٹیننٹ جنرل نوین سچدیوا نے ہفتے کے روز راجوری سیکٹر میں سونگری علاقے کا دورہ کرکے سیکورٹی صورتحال اور آپریشنل تیاریوں کا جائزہ لیا۔
سی آئی ایف (رومیو) کے جی او سی بھی ان کے ہمراہ تھے ۔
وائٹ نائٹ کور نے ہفتے کو’ایکس‘ پر ایک پوسٹ کے ذریعے جانکاری فراہم کرتے ہوئے کہا’’وائٹ نائٹ کور کے جی او سی لیفٹیننٹ جنرل نوین سچدیوا نے سی آئی ایف (رومیو) کے جی او سی کے ساتھ سیکورٹی کی صورتحال اور آپریشنل تیاریوں کا جائزہ لینے کیلئے راجوری سیکٹر کے سونگری کا دورہ کیا‘‘۔
کور نے پوسٹ میںکہا کہ اس دوران انہوں نے خطے میں امن و سلامتی کو برقرار رکھنے کے لیے فوج کے غیر متزلزل عزم کی ضرورت پر زور دیا۔