امریکا کی 400 اہم شخصیات نے ڈونلڈ ٹرمپ کی توثیق کردی

واشنگٹن//
امریکا کے 400 سے زائد قومی سلامتی اور خارجہ پالیسی اہلکاروں نے ڈونلڈ ٹرمپ کی توثیق کردی۔
ری پبلکن صدارتی امیدوار کی حمایت میں کھلا خط لکھنے والوں میں سابق وزیرخارجہ مائیک پامپیو، سابق اٹارنی جنرل بل بار، اقوام متحدہ میں امریکا کی سابق مندوب نکی ہیلی بھی شامل ہیں۔
خط میں دعویٰ کیا گیا ہے کہ ٹرمپ دور میں دنیا پُرامن تھی، بائیڈن ہیرس حکومت نے دنیا کو تیسری عالمی جنگ کے دہانے پر پہنچادیا۔
کھلے خط میں کہا گیا ہے کہ سرحدیں کھول کر دہشت گردوں کا سیلاب امریکا میں داخل کرایا، چین کو کھل کر کھیلنے کا موقع دیا۔
ڈونلڈ ٹرمپ کو ایک جانب سکون دوسری جانب پریشانی کا سامنا، اہلیہ میلانیا ٹرمپ نے اسقاط حمل کے اہم معاملے پر شوہر کی پالیسی سے اختلاف کردیا۔
سابق خاتون اول نے اسقاط حمل کےمعاملے پر کاملا ہیرس کے موقف کی حمایت کردی۔