بارمولہ میںسوائن کا عوامی شکایات کے ازالے کا پروگرام ہفتہ کو ہو گا

جموں//
ڈی جی پی‘آر آر سوائن کا عوامی شکایات کے ازالے/ بات چیت کا پروگرام۱۷ فروری ہفتہ سہ پہر ۳ بجے ضلع پولیس لائنز بارہمولہ میں منعقد ہونے والا ہے۔
شکایت / بات چیت پروگرام خصوصی طور پر ضلع بارہمولہ کے رہائشیوں کے لئے ہے۔
پروگرام میں حصہ لینے کیلئے پولیس خدمات سے متعلق شکایات رکھنے والے افراد ڈسٹرکٹ پولیس لائن (ڈی پی ایل) کا دورہ کریں اور اس مقصد کے لئے قائم کردہ ہیلپ ڈیسک پر اندراج کریں۔
جو لوگ اپنی شکایات ڈی جی پی جموں و کشمیر کی توجہ میں لانا چاہتے ہیں انہیں ایک تحریری درخواست پیش کرنی چاہئے جس میں کام کرنے والے موبائل نمبر سمیت مکمل تفصیلات شامل ہوں۔
اس بات کا اعادہ کیا جاتا ہے کہ ڈی جی پی کا عوامی شکایات کے ازالے کا پروگرام خصوصی طور پر پولیس خدمات سے متعلق خدشات کو دور کرنے کیلئے ہے۔ اس میں اسپیشل پولیس افسران (ایس پی اوز) کی بھرتی یا عام تبادلوں سے متعلق معاملات شامل نہیں ہیں لہذا براہ کرم مطلع کیا جائے کہ شکایات کے ازالے کے پروگرام کے دوران ان مخصوص علاقوں سے متعلق شکایات پر غور نہیں کیا جائے گا۔