نائیجیریا: بارودی سرنگ پھٹ گئی، 6 طالبعلم ہلاک

بورنو//
نائیجیریا کے صوبہ بورنو میں بارودی سرنگ پھٹنے کے نتیجے میں مدرسے کے 6 طالبعلم ہلاک ہو گئے ہیں۔
قومی ذرائع ابلاغ کے مطابق صوبہ بورنو کے علاقےگوبیو کے ایک مدرسے کے قریب بارودی سنگ پھٹ گئی ہے۔
دھماکے میں مدرسے کے 6 طالبعلم ہلاک اور کثیر تعداد میں افراد زخمی ہو گئے ہیں۔
اگرچہ ابھی کسی نے حملے کی ذمہ داری قبول نہیں کی لیکن علاقے میں دہشت گرد تنظیم بوکو حرام کو اس سے مشابہہ حملوں کی وجہ سے پہچانا جاتا ہے۔
واضح رہے کہ گذشتہ ہفتے صوبہ بورنو کے گاوںماگومیری کی چیک پوسٹ پر بوکو حرام کے مسلح حملے میں 5 فوجی ہلاک ہو گئے تھے۔
دہشت گرد تنظیم 2000 کے ابتدائی سالوں سے نائیجیریا میں تخریبی کاروائیوں میں ملّوث ہے اور 2009 سے تنظیم کی وسیع پیمانے کی پُر تشدد کاروائیوں میں 20 ہزار سے زائد افراد ہلاک ہو چکے ہیں۔
دہشت گرد تنظیم بوکو حرام 2005 سے ہمسایہ ممالک کیمرون، چاڈ اور نائجر میں بھی حملے کر رہی ہے۔ چاڈ جھیل کے علاقے میں تنظیم کے حملوں میں 2 ہزار افراد ہلاک ہو گئے تھے۔