ڈاکٹر فاروق اور عمر عبدللہ عمرہ کیلئے سعودی عرب روانہ

سرینگر//
نیشنل کانفرنس کے صدر ڈاکٹر فاروق عبداللہ اور ان کے فرزند عمر عبداللہ عمرہ کی ادائیگی کیلئے سعودی عرب روانہ ہوئے ہیں۔
عمر عبداللہ‘جو نیشنل کانفرنس کے نائب صدر ہیں، نے سماجی رابطہ گاہ’ایکس‘پر اپنے والد کے ساتھ ایک تصویر پوسٹ کی ہے جس میں دونوں احرام باندھے ہوئے ہیں۔
عمر نے پوسٹ میں لکھا ہے’’اے میرے اللہ!میں عمرہ کرنے کا ارادہ رکھتا ہوں میرے لئے اس کو آسان فرما اور اس کو قبول فرما‘‘۔
عمرہ جس کو ’چھوٹا حج‘بھی کہا جاتا ہے ، کو سال میں کسی بھی وقت انجام دیا جا سکتا ہے ۔البتہ سعودی عرب کی حکومت کاکہنا ہے کہ رجب‘ شعبان اور رمضان میں سب سے زیادہ تعداد میں لوگ عمرہ کی ادائیگی کیلئے مقدس سرزمین پر آتے ہیں ۔
اس وقت اسلامی کلینڈر کا رجب کا مہینہ چل رہا ہے ۔