’ملازمین یوم جمہوریہ کی تقریب میں شرکت کریں‘

جموں//
جموںکشمیر حکومت نے ملازمین سے سرکاری ڈیوٹی کے بطور۲۶جنوری کو یوم جمہوریہ کے موقع پر منعقد ہونے والی تقریب میں شرکت کرنے کو کہا ہے ۔
حسب سابقہ امسال بھی یوم جمہوریہ کی مرکزی تقریب مولانا آزاد اسٹیڈیم جموں میں منعقد ہوگی۔
جموں کشمیر کے لیفٹیننٹ گورنر منوج سنہا اس تقریب کی صدارت کریں گے اور پریڈ کی سلامی لیں گے ۔
حکومت کی طرف سے جاری ایک حکمنامے میں کہا گیا’’جموں میں تعینات حکومت اور پبلک سیکٹر انڈر ٹیکنگ کے تمام افسران سے کہا جاتا ہے کہ وہ اپنی سرکاری ڈیوٹی کے طور پر یوم جمہوریہ کی تقریب میں شرکت کریں‘‘۔
حکمنامے میں مزید کہا گیا’’تمام شعبہ جات کے سربراہان اور پبلک سیکٹر انڈر ٹیکنگز کے چیف ایگزیکٹوز اس تقریب میں اپنی اور اپنے ماتحت ملازمین کی شرکت کو یقینی بنائیں گے ‘‘۔
ادھر یوم جمہوریہ کی تقریبات کے احسن انعقاد کو یقینی بنانے کیلئے جموں و کشمیر میں سیکورٹی کے کڑے انتظامات کئے گئے ہیں۔