جموں کشمیر اور لداخ کیلئے چار مزید این سی سی یونٹ قائم کرنے کی منظوری

نئی دہلی//
وزیر دفاع راج ناتھ سنگھ نے مرکز کے زیر انتظام علاقوں جموں و کشمیر اور لداخ میں چار مزید نیشنل کیڈٹ کور (این سی سی) یونٹس قائم کرنے کی تجویز کو منظوری دیدی ہے ۔
اس منظوری میں ادھم پور (جے اینڈ کے ) کپواڑہ (جے اینڈ کے ) اور کرگل (لداخ) میں ایک ایک مخلوط (بوائز اینڈ گرلز) آرمی بٹالین اور ادھم پور (جے اینڈ کے ) میں ایک ایئر اسکواڈرن شامل ہے ۔
مزید نئے یونٹوں کے قیام کے نتیجے میں موجودہ۲۷۸۷۰کیڈٹس کے علاوہ، جموں و کشمیر اور لداخ میں طاقت میں۱۲۸۶۰کا اضافہ ہوگا، جو کہ۱ء۴۶فیصد اضافہ ہے ۔
فی الحال، ڈائریکٹوریٹ کے دو گروپ ہیڈ کوارٹر ہیں، جن میں کل۱۰این سی سی یونٹ ہیں، جو تینوں جغرافیائی خطوں کا احاطہ کرتے ہیں۔
اس توسیع سے خطے کے نوجوانوں کے حوصلے بلند ہوں گے ، جو قوم کی تعمیر میں اہم کردار ادا کریں گے ۔