اٹل جی نے ہمیں گڈ گورننس کا راستہ دکھایا: ایل جی سنہا

سرینگر//
جموںکشمیر کے لیفٹیننٹ گورنر‘ منوج سنہا نے ملک کے سابق وزیر اعظم اور بی جے پی کے قد آور لیڈر اٹل بہاری واجپائی کو ان کے جنم جینتی پر شاندار خراج عقیدت پیش کیا۔انہوں نے کہا’’اٹل جی نے ہمیں گڈ گورننس کا راستہ دیکھایا‘‘۔
لیفٹیننٹ گورنر نے پیر کو’ایکس‘پر ایک پوسٹ میں کہا’’میں سابق وزیر اعظم شری اٹل بہاری واجپائی جی کو ان کے جنم جینتی پر خراج عقیدت پیش کرتا ہوں‘‘۔
سنہانے کہا’’با بصیرت سیاست داں اٹل جی نے ہمیں گڈ گورننس کا رٓاستہ دکھایا‘‘۔ان کا پوسٹ میں مزید کہنا تھا’’آئے اس دن ہم ان کے نظریات پر عمل کرنے کا عزم کریں اور خود کو جامع ترقی کے لئے وقف کریں‘‘۔
سنہا نے کہا کہ آنجہانی اٹل جی کی زندگی سماجی مساوات، سب کیلئے یکساں مواقع اور معاشرے میں پسماندہ افراد کو با اختیار بنانے کیلئے وقف تھی۔انہوں نے کہا’’وزیر اعظم کے طور پر ان دور اور ان کی عوامی زندگی گڈ گورننس کے دور کی علامت ہے جو ہم سب کو لگن کے ساتھ لوگوں کی خدمت کرنے کی ترغیب دیتی ہے ‘‘۔
واجپائی کا جنم۲۵دسمبر۱۹۲۴کو گوالیار میں ہوا وہ ایک با نصیرت سیاستدان ہونے کے علاوہ ایک اچھے شاعر بھی تھے ۔انہوں نے ملک کے دسویں وزیر اعظم کی حیثیت سے بھی اپنے فرائض انجام دئے ۔