جموں،22نومبر
جموں کشمیر کے راجوری ضلع کے کالاکوٹ میں ملی ٹنٹوں کے ساتھ تصادم میں ایک فوجی کیپٹن شہید جبکہ 3 جوان زخمی ہو گئے۔
تفصیلات کے جموں وکشمیر کے ضلع راجوری کے کالاکوٹ باجی علاقے میں سیکورٹی فورسز اور ملی ٹینٹوں کے درمیان انکاونٹر شروع ہوا ہے ۔
پولیس ذرائع نے بتایا کہ ایک مصدقہ اطلاع پر کارروائی کرتے ہوئے پولیس اور سیکورٹی فورسز نے راجوری کے کالاکوٹ باجی علاقے کو محاصرے میں لے کر تلاشی آپریشن شروع کردیا۔انہوں نے کہا کہ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے ملی ٹینٹوں نے اس پر اندھا دھند فائرنگ کی جس کے نتیجے میں طرفین کے درمیان تصادم چھڑ گیا۔
ذرائع نے بتایا کہ ملی ٹنٹوں کی فائرنگ میں ایک کیپٹن ہلاک جبکہ تین جوان زخمی ہو گئے۔ انہوں نے مزید بتایا کہ سیکورٹی فورسز نے ایک وسیع علاقے کو محاصرے میں لے کر فرار ہونے کے سبھی راستوں پر پہرے بٹھا دئے ہیں۔
ذرائع کا کہنا ہے کہ علاقے میں دو مشتبہ ملی ٹینٹ کی موجودگی کی اطلاع ملنے کے بعد سیکورٹی فورسز نے تلاشی آپریشن شروع کیا جس دوران طرفین کے مابین شدید گولیوں کا تبادلہ شرع ہوا۔
