امریکی نائب صدر کملا ہیرس کورونا سے متاثر

واشنگٹن//
امریکی نائب صدر کملا ہیرس کورونا وائرس (کووڈ-19) وبا سے متاثر ہو گئی ہیں۔
ان کی ترجمان نے آج یہاں بتایا کہ محترمہ ہیرس کا منگل کو کیا گیا ریپڈ اور پی سی آر ٹیسٹ مثبت پایاگیاہے۔
ترجمان نے ایک بیان میں کہا کہ محترمہ ہیرس میں بیماری کی علامات نہیں ہیں۔ وہ آئیسولیشن میں رہتے ہوئے صدر کی رہائش گاہ سے کام کریں گی۔کہا گیاہے کہ اپنے حالیہ طے شدہ دورے کے دوران وہ صدر جو بائیڈن اور فرسٹ لیڈی کے قریبی رابطے میں نہیں تھیں۔
بیان میں کہا گیا ہے کہ وہ کووڈ کے رہنما خطوط اور ڈاکٹروں کے مشورے پر عمل کریں گی اور منفی ٹیسٹ آنے پر وائٹ ہاؤس واپس آئیں گی۔