گھنٹہ گھر:جاری کام ۱۰دنوں میں مکمل کیا جائے گا:اطہرخان

سرینگر//
سرینگر میونسپل کارپوریشن (ایس ایم سی) کے کمشنر ‘اطہر عامر خان کا کہنا ہے کہ لالچوک میں گھنٹہ گھر کے گرد وپیش سمارٹ سٹی پروجیکٹ کے تحت جاری کام اگلے دس دنوں کے اندر مکمل ہوگا۔
خان نے کہا کہ سرینگر میں سمارٹ سٹی پروجیکٹ کے تحت کام زوروں سے جاری ہیں۔
کمشنر نے ان باتوں کا اظہار پیر کو یہاں نامہ نگاروں کے ساتھ بات کرنے کے دوران کیا۔
خان نے کہا’’سمارٹ سٹی پروجیکٹ کے تحت کام زوروں سے جاری ہے اور لالچوک میں یہ کام آخری مرحلے میں ہے جو اگلے کچھ دنوں میں مکمل ہوگا‘‘۔
ان کا کہنا تھا کہ رزیڈنسی روڈ اور لالچوک علاقے میں ڈرینیج کا ہمیشہ ایک مسئلہ رہا ہے جس کو کافی حد تک ٹھیک کیا گیا ہے ۔
خان نے کہا کہ لالچوک میں گھنٹہ گھر کے گرد پیش جاری کام اگلے دس دنوں کے اندر مکمل کیا جائے گا۔