بی سی سی آئی سیکریٹری جے شاہ پر آئی پی ایل فائنل میں نامناسب اشاروں پر کڑی تنقید

حیدر آباد// ہندوستانی کرکٹ کنٹرول بورڈ (بی سی سی آئی) کے سیکریٹری جے شاہ کو آئی پی ایل کے فائنل میچ کے دوران اپنے نامناسب اشاروں پر سوشل میڈیا پر تنقید کا سامنا ہے۔ جے شاہ چنئی سپر کنگز اور گجرات ٹائٹنز کے درمیان 16ویں ایڈیشن کا فائنل میچ دیکھنے کے لیے دیگر معززین کے ساتھ نریندر مودی سٹیڈیم میں موجود تھے۔
آخری اوور کے دوران جب چنئی سپر کنگز کو 3 گیندوں پر 11 رنز درکار تھے، جے شاہ، جو گجرات کرکٹ ایسوسی ایشن کے رکن ہیں، نامناسب اشارے کرتے نظر آئے۔ تاہم، ہندوستانی آل راؤنڈر، رویندرا جدیجا نے ہدف کا تعاقب کرتے ہوئے آخری گیند پر چوکا لگا کر کھیل کا رخ چنائی سپر کنگز کے حق میں کر دیا۔ دریں اثناء شائقین نے ایشین کرکٹ کونسل کے چیئرمین کو معززین کے ساتھ بیٹھنے اور بی سی سی آئی میں اہم عہدوں پر فائز رہنے کے دوران بچگانہ رویے کا مظاہرہ کرنے پر طنز کیا۔