مودی کے 31 مئی کے دورہ اجمیر کے حوالے سے ضلع انتظامیہ الرٹ موڈ پر

اجمیر// وزیر اعظم نریندر مودی کے 31 مئی کو اجمیر کے مجوزہ دورے کے سلسلے میں ضلع اور پولیس انتظامیہ الرٹ موڈ پر ہے ۔
اجمیر کے کائڑ میں جلسہ عام کے ساتھ اب ان کا پشکر درشن پروگرام بھی جڑ گیا ہے ۔ یہی وجہ رہی کہ دو ہیلی کاپٹروں کے ذریعے مشق کے ساتھ ساتھ حفاظتی انتظامات کی جانچ کی گئی۔
ڈویژنل کمشنر چوتھی رام مینا اور رینج کے انسپکٹر جنرل آف پولیس روپندر سنگھ نے آج پشکر کا معائنہ کیا اور برہما مندر اور پشکر سروور پر سیکورٹی کا جائزہ لیا اور ضروری ہدایات دیں۔ ان کے ساتھ مرکزی اور ریاستی سیکورٹی ایجنسیوں کے افسران بھی تھے ۔
بتایا جا رہا ہے کہ مسٹر مودی 3.45 پر پشکر پہنچیں گے ۔ یہاں بھگوان برہما کے درشن کریں گے ۔ اس دوران مندر کو خصوصی پھولوں سے سجایا جائے گا۔ اس کے ساتھ برہما جی کی تصویر بھی مودی کو یادگار کے طور پر پیش کی جائے گی۔ پشکر کے ایم ایل اے سریش راوت اور میونسپل صدر کمل پاٹھک نے پشکر میں مودی کے تاریخی استقبال کی بات کہی ہے ۔
وزیر اعظم مودی پشکر سے اجمیر میں کائڑ ریسٹ ہاوس پہنچیں گے اور "9 سال بے مثال” کے لیے ایک بہت بڑے جلسہ عام سے خطاب کرتے ہوئے مرکزی حکومت کی کامیابیاں شیئر کریں گے ۔ یہیں سے وہ پورے ملک میں ‘‘مہا جن سمپرک ابھیان’’ بھی شروع کریں گے ، جو اپریل-2024 کے لوک سبھا انتخابات کی تیاریوں کا آغاز ہوگا۔ اپنے خطاب میں وہ راجستھان اسمبلی انتخابات-2023 میں کانگریس کے راج کو ختم کرنے کی اپیل کرکے کارکنوں مٰیں جوش وخروش بھریں گے ۔