سرینگر/۲۲ مئی
مرکزی وزیر ڈاکٹر جتیندر سنگھ نے پیر کے روز کہا کہ سری نگر میں اب ہڑتال کی کال پر عمل کرنے والا کوئی نہیں ہے اور یہ کہ ہندوستان نے وزیر اعظم نریندر مودی کی قیادت میں ترقی دیکھی ہے۔
یہاں جی ٹونٹی پروگرام کے موقع پر نامہ نگاروں سے بات کرتے ہوئے سنگھ نے کہا کہ ایک وقت تھا جب پاکستان سے ہڑتال کی کال جاری کی جاتی تھی اور سری نگر میں لوگ بندھ منایا کرتے تھے۔ انہوں نے کہا”تاہم، لوگوں کی ذہنیت بدل گئی ہے کیونکہ پاکستان اور سری نگر میں بھی ہڑتال کی کالیں دی جا رہی ہیں، لیکن لوگ اس پر توجہ نہیں دیتے“۔
سنگھ نے مزید کہا کہ سرمایہ کار اس پیغام کے ساتھ واپس جائیں گے کہ جموں و کشمیر کے حوالے سے ذاتی مفادات کی طرف سے جو جھوٹا بیانیہ بنایا جا رہا ہے وہ اب موجود نہیں ہے۔
مرکزی وزیر نے کہا”وزیر اعظم نریندر مودی کی قیادت میں ہندوستان نے پچھلے نو سالوں میں ترقی دیکھی ہے“۔انہوں نے مزید کہا کہ جموں و کشمیر کے لوگ، خاص طور پر نوجوان خود کو کامیابیوں سے دور نہیں رکھنا چاہتے۔