جموں//
پولیس نے آج دعویٰ کیا ہے کہ اس نے جموں و کشمیر پولیس کے ایک پروبیشنری سب انسپکٹر سمیت دو افراد کو گرفتار کیا ہے اور ایک لاپتہ لڑکی کو بازیاب کرایا ہے۔
پولیس نے بتایا کہ اسے ایک لڑکی (۱۶) سال کی عمر کے والدین کی طرف سے گمشدگی کی شکایت موصول ہوئی تھی جو رائیکا، سدھرا علاقہ کی رہنے والی تھی۔
پولیس کے مطابق لڑکی اپنی رہائش گاہ سے لاپتہ تھی، اور اس کے اہل خانہ نے پولیس کے سامنے تحریری شکایت درج کرائی تھی۔ اس کے مطابق ایف آئی آر نمبر ۵۱آف۲۰۲۳کے تحت سیکشن۳۶۳آئی پی سی (اغوا) کے تحت پولیس اسٹیشن باغ بہو میں مقدمہ درج کیا گیا۔
گمشدگی کی رپورٹ کے بعد کیس کے اندراج کے فوراً بعد‘پولیس ٹیم حرکت میں آگئی اور۱۶/۱۷مئی ۲۰۲۳کی درمیانی رات میں، پولیس ٹیم جموں کے ایک ممتاز ہوٹل میں پہنچی۔
پولیس ذرائع نے ابتدائی معلومات کے حوالے سے بتایا ’’جے اینڈ کے پروبیشنری سب انسپکٹر، اس کا پراپرٹی ڈیلر دوست اور لاپتہ لڑکی ممتاز ہوٹل کے ایک کمرے سے برآمد ہوئی ہے‘‘۔
ان کا کہنا تھا کہ لڑکی کا بیان ریکارڈ کیا جائے گا اور مزید قانونی کارروائی کے لیے اس کا طبی معائنہ کیا جائے گا۔ ’’معاملے کی مزید تفتیش شروع کر دی گئی ہے۔‘‘
