سرینگر//
جنوبی ضلع کولگام کے ریڈونی پائین علاقے میں موٹر سائیکل نے راہ چلتی خاتون کو ٹکر ماری جس وجہ سے اس کی موت واقع ہوئی۔
اطلاعات کے مطابق بدھ کے روز کولگام کے ریڈونی پائین میں نامعلوم موٹر سائیکل نے راہ چلتی ایک خاتون کو ٹکر ماری جس وجہ سے وہ شدید طورپر زخمی ہوئی۔
معلوم ہوا ہے کہ آس پاس موجود لوگوں نے زخمی خاتون کو ہسپتال پہنچایا تاہم وہ وہاں پر جانبر نہ ہو سکی۔خاتون کی شناخت حاجرہ بانو زوجہ خورشید احمد کھانڈے ساکن دنیو بوگنڈ کے بطور ہوئی ہے ۔
پولیس نے اس سلسلے میں کیس درج کرکے مزید تحقیقات شروع کی ۔