جے شنکر کی اسٹاک ہوم میں سویڈن کے وزیر اعظم، این ایس اے سے ملاقات

نئی دہلی/اسٹاک ہوم// وزیر خارجہ ایس جے شنکر سویڈن کے دورے پر ہیں اور انہوں نے پیر کو سویڈن کے وزیر اعظم الف کرسٹرسن اور قومی سلامتی کے مشیر (این ایس اے ) ہنرک لینڈر ہولم سے ملاقات کی۔
مسٹر جے شنکر نے سویڈش پارلیمنٹ کے رکس ڈیگ کے اسپیکر آندریاس نورلن سے ملاقات کی۔ وزیر خارجہ نے ٹویٹ کیا، [؟]سویڈن کے وزیر اعظم کرسٹرسن سے مل کر اور انہیں وزیر اعظم نریندر مودی کی ذاتی نیک خواہشات پہنچا کر خوشی ہوئی۔ ہندوستان-سویڈن تعلقات کو مضبوط بنانے کے لیے ان کی وابستگی اہم ہے ۔
وزیر خارجہ نے کہا کہ ان کی سویڈن کے این ایس اے ہنرک لینڈر کے ساتھ بہت اچھی بات چیت ہوئی، جس کے دوران انہوں نے یورپ اور ہند-بحرالکاہل کے بارے میں اپنا اسٹریٹجک جائزہ شیئر کیا۔
مسٹر جے شنکر نے سویڈش پارلیمنٹ کے اسپیکر سے ملاقات کے بارے میں کہا کہ آج صبح انہوں نے سویڈش پارلیمنٹ رکس ڈیگ کے صدر ڈاکٹر نورلن سے ملاقات کی۔ انہوں نے مزید کہا کہ انہوں نے دونوں پارلیمانی جمہوریتوں کے درمیان رابطوں کا خیرمقدم کیا اور ہمارے متعلقہ شعبوں پر بھی تبادلہ خیال کیا۔
مسٹر جے شنکر یورپی یونین انڈو پیسفک وزارتی اجلاس میں شرکت کے لیے تین روزہ دورے پر سویڈن پہنچے تھے ۔ اتوار کو (مقامی وقت)، وزیر خارجہ نے سویڈن میں مقیم ہندوستانیوں سے بات چیت کی اور ہندوستان میں جاری تبدیلیوں پر تبادلہ خیال کیا۔ انہوں نے انہیں دونوں ممالک کے درمیان سفارتی تعلقات کے 75 سال مکمل ہونے پر سویڈن کے ساتھ دوطرفہ تعلقات میں ہونے والی پیش رفت سے بھی آگاہ کیا۔