سرینگر//
ڈائریکٹر سکول ایجوکیشن کشمیر‘ تصدق حسین نے منگل کو کہا کہ۱۹ویں اور۱۲ویں جماعت کے سالانہ امتحانات کے نتائج کا اعلان اس ماہ کے آخر تک کر دیا جائے گا۔
سرینگر میں ایک تقریب کے موقع پر صحافیوں سے بات چیت کرتے ہوئے ڈائریکٹر ایجوکیشن نے کہا کہ ہارڈ زون میں امتحانات ۱۰یا۱۲ مئی تک ختم ہوں گے اور سافٹ زون کے پرچوں کی جانچ پہلے ہی مکمل ہو چکی ہے۔
حسین نے کہا’’ ہم تیار ہیں اور ہم ہارڈ زون کے پیپرز کی جانچ کا انتظار کریں گے۔ ہم امید کرتے ہیں کہ کلاس ۱۰ویں؍اور ۱۲ویںکے سالانہ امتحانات کے نتائج کا اعلان اس ماہ ہی کیا جائے گا‘‘۔
ایک سوال کا جواب دیتے ہوئے انہوں نے کہا کہ ایک تعلیمی کیلنڈر سے دوسرے میں شفٹ ہونے کے دوران کچھ ہچکیاں آئیں۔’’جب آپ ایک تعلیمی کیلنڈر سے دوسرے کیلنڈر میں منتقل ہوتے ہیں تو کچھ ابتدائی ہچکیاں ہوتی ہیں اور ہم نے ان کو کامیابی سے سنبھالا۔ ہم نے امتحانات کا انعقاد بھی کامیابی سے کیا۔‘‘
