بٹہ مالو سری نگر میں ٹرک نے چار سالہ لڑکے کو کچل ڈالا

سرینگر//
جموںکشمیر کی گرمائی راجدھانی سرینگر کے ٹینگہ پورہ بٹہ مالو میں ٹرک نے چار سالہ لڑکے کو زور دار ٹکر ماری جس وجہ سے اس کی برسر موقع ہی موت واقع ہوئی۔
اطلاعات کے مطابق سری نگر کے ٹینگہ پورہ بٹہ مالو میں جمعے کے روز ایک ٹرک نے چار سالہ لڑکے کو ٹکر ماری جس وجہ سے وہ شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی لڑکے کو علاج ومعالجہ کی خاطر جے وی سی پہنچایا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت عزیر احمد ولد عارف چودھری ساکن ہمدانیہ کالونی بمنہ کے بطور ہوئی ہے ۔
پولیس نے معاملے کی نسبت کیس درج کرکے مزید تحقیقات شروع کی۔