سرینگر/۳مئی
وادی کشمیر کو لداخ یونین ٹریٹری کے ساتھ جوڑنے والی سری نگر- لیہہ شاہراہ پر بدھ کے روز مختصر وقفے تک بند رہنے کے بعد ٹریفک کی نقل و حمل بحال کر دی گئی ہے ۔
بتادیں کہ اس روڈ پر کپٹن موڑ پر چٹان کھسک آنے کی وجہ سے ٹریفک کی نقل و حمل روک دی گئی تھی۔
ٹریفک پولیس نے ٹویٹ کرکے کہا کہ کپٹن موڈ پر کھسک آنے والی چٹان کے ملبے کو صاف کرکے ایس ایس جی روڈ پر ٹریفک بحال کر دیا گیا ہے ۔
انہوں نے قبل ازیں کہا تھا کہ گاندربل میں کپٹن موڑ پر چٹان کھسک آنے کی وجہ سے ایس ایس جی روڈ پر ٹریفک کی نقل و حمل روک دی گئی ہے ۔
حکام کا کہنا تھا کہ روڈ کو قابل آمد و رفت بنانے کے لئے افرادی قوت اور مشینری کو کام پر لگا دیا گیا ہے ۔انہوں نے کہا کہ آج منی مرگ کی طرف سے گاڑیوں کو چلنے کی اجازت ہے ۔
جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والا تاریخی مغل ماہ جنوری سے مسلسل بند ہے ۔
متعلقہ حکام کا کہنا ہے کہ روڈ کو ٹریفک کے لئے بحال کرنے کے لئے کام شد ومد سے جاری ہے اور اس کو عنقریب کھول دیا جائے گا۔
دریں اثنا وادی کو ملک کے باقی حصوں کے ساتھ جوڑنے والی سری نگر- جموں قومی شاہراہ پر ٹریفک کی نقل و حمل حسب معمول
جاری ہے ۔
