ناشری ٹنل کے اندردو گاڑیوں کے ٹکرانے سے کنڈکٹر فوت‘ڈرائیور زخمی

جموں//
جموںکشمیر کے ضلع اودھم پور میں سرینگر‘جموں قومی شاہراہ پر گذشتہ شب دو گاڑیوں کے آپس میں ٹکرانے سے کنڈکٹر کی موت جبکہ ڈارئیور شدید زخمی ہوگیا۔
سرکاری ذرائع نے بتایا کہ اودھم پور میں چنانی‘ناشری ٹنل کے اندر گذشتہ شام ایک ڈمپر اور ایک ٹرک کے درمیان ٹکر ہوگئی جس کے نتیجے میں ڈمپر کے کنڈکٹر کی بر سر موقع ہی موت واقع ہوگئی جبکہ اس کا ڈرائیور زخمی ہوگیا۔
متوفی کی شناخت بلبیر چند ساکن سامبہ کے بطور ہوئی ہے ۔
دریں اثنا پولیس اس سلسلے میں ایک کیس درج کرکے کارروائی شروع کی ہے ۔
اس دوران جموںکشمیر کے ضلع پونچھ کے مینڈھر میں ٹریکٹر کو حادثہ پیش آیا جس کے نتیجے میں جواں سال نوجوان کی برسر موقع ہی موت واقع ہوئی۔
ذرائع نے بتایا کہ مینڈھر کے نژول گاؤں میں ٹریکٹر ٹرالی کو حادثہ پیش آیا جس کے نتیجے میں ڈرائیور شدید طورپر زخمی ہوا۔
معلوم ہوا ہے کہ زخمی نوجوان کو علاج ومعالجہ کی خاطر فوری طورپر نزدیکی ہسپتال لے جایا گیا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت اشتیاق احمد ولد نضارت ساکن چھترال مینڈھر کے بطور ہوئی ہے ۔
پولیس نے معاملے کی نسبت کیس درج کرکے مزید تحقیقات شروع کی۔