کولگام میں مفرور منشیات فروش و بار ہمولہ سے دو منشیات فروش گرفتار: پولیس

سرینگر/12 اپریل
معاشرے سے منشیات کے وبا کی بیخ کو یقینی بنانے کے لئے منشیات فروشوں کے خلاف جنگ کو جاری رکھتے ہوئے کولگام پولیس نے تین برسوں سے فرار ایک منشیات فروش کو جبکہ بارہمولہ پولیس نے دو منشیات فروشوں کو گرفتار کیا ہے ۔
کولگام پولیس کے ایک ترجمان میں اپنے ایک بیان میں تفصیلات فراہم کرتے ہوئے کہا کہ کولگام پولیس نے پولیس اسٹیشن قاضی گنڈ میں درج ایک کیس کے سلسلے میں گرفتاری سے بچنے والے ایک مفرور ملزم کو گرفتار کیا ہے ۔
انہوں نے کہا کہ ایک مصدقہ اطلاع پر کارروائی عمل میں لاتے ہوئے پولیس اسٹیشن قضی گنڈ کی ایک خصوصی پارٹی نے کھر گنڈ کولگام میں ایک خاص مقام پر چھاپہ مارا۔
انہوں نے کہا کہ چھاپے کے دوران مفرور شخص جو ایک بد نام زمانہ منشیات فروش ہے ، کو گرفتار کیا گیا۔
گرفتار شدہ کی شناخت گلزار احمد لون ولد غلام حسن لون ساکن کھر گنڈ کے بطور کی گئی ہے ۔
بیان میں کہا گیا کہ گرفتار شدہ گذشتہ تین برسوں سے فرار تھا۔انہوں نے کہا کہ مذکورہ شخص کو پولیس اسٹیشن قاضی گنڈ منتقل کیا گیا ہے ۔
دریں اثنا بارہمولہ پولیس نے دو منشیات فروشوں کو گرفتار کرکے ان کی تحویل سے نشہ آور ادویات بر آمد کی ہیں۔
ایک پولیس ترجمان نے اپنے ایک بیان میں کہا کہ پولیس نے معمول کی گشت کے دوران جانباز پورہ بارہمولہ میں دو منشیات فروشوں کو گرفتار کیا۔انہوں نے کہ چکلو سے جانباز پور کی طرف آ رہے ان منشیات فروشوں نے پولیس کو دیکھ کر فرار ہونے کی کوشش کی تاہم انہیں موقعے پر ہی دھر لیا گیا۔
بیان میں منشیات فروشوں کی شناخت محمد عارف ماگرے ولد محمد ایوب ماگرے ساکن چکلو اور سمیر احمد ڈار ولد عبدالحمید ڈار ساکن جانباز پورہ کے بطور کی گئی ہے ۔
پولیس بیان میں کہا گیا کہ تلاشی کے دوران گرفتار شدگان کی تحویل سے 143 ایس پی ایس پی ایچ ای این پلس کیپسول بر آمد کئے گئے ۔انہوں نے کہا کہ اس سلسلے میں پولیس اسٹیشن بارہمولہ میں ایک کیس درج کرکے تحقیقات شروع کی گئی ہیں۔
ادھر لوگوں نے پولیس کی طرف سے منشیات کے خلاف جاری جنگ کی سراہنا کی ہے ۔