سرینگر/ 26مارچ
راہل گاندھی کو لوک سبھا سے نااہل قرار دینے کے خلاف کانگریس نے جموں اور کشمیر میں احتجاجی مظاہرئے کئے ۔
کانگریس لیڈران نے الزام لگایا کہ بھاجپا جو بھی اقدامات اٹھا رہی ہیں وہ غیر قانونی اور غیر جمہوری ہے ۔
یو این آئی اردو کے نامہ نگار نے بتایا کہ سرینگر میں پارٹی ہیڈ کواٹر میں کانگریس لیڈران نے راہل گاندھی کو نا اہل قرار دینے کے خلاف احتجاجی مظاہرئے کئے ۔ہاتھوں میں پلے کارڈ لئے کانگریس لیڈران بھاجپا کے خلاف نعرے لگا رہے تھے ۔
نامہ نگاروں سے بات چیت کے دوران کانگریس کے سینئر لیڈر غلام احمد میر نے بتایاکہ موجودہ بھاجپا سرکار اپوزیشن کی آواز کو دبانے کی خاطر ہر حربے آزما رہی ہے ۔انہوں نے کہاکہ راہل گاندھی کو نااہل قرار دینا غیر جمہوری اور غیر قانونی ہے اور ہم اس کی سخت الفاظ میں مذمت کرتے ہیں۔انہوں نے مزید بتایا کہ کانگریس کے علاوہ دوسری ہم خیال پارٹیوں کے لیڈران نے بھی اس کے خلاف احتجاج درج کیا ہے ۔
دریں اثنا جموں میں پی سی سی چیف وقار رسول کی سربراہی میں کانگریس لیڈران نے احتجاج کیا۔ان کا کہنا تھا کہ مرکزی حکومت نے راہل گاندھی کی آوازکو دبانے کی خاطر انہیں نا اہل قرار دیا۔
انہوں نے بتایاکہ موجودہ مرکزی حکومت ہر محاز پر ناکام ثابت ہوئی ہے اور اصلی مسایل سے توجہ ہٹانے کی خاطر راہل گاندھی کو نااہل قرار دیا گیا۔
