جموں کے ہوائی اڈے پر اینٹی ہائی جیک مشق کا انعقاد

جموں//
نیشنل سیکورٹی گارڈز (این ایس جی) نے جموں ہوائی اڈے پر ایک اینٹی ہائی جیکنگ مشق کا انعقاد کیا۔
ایک دفاعی ترجمان نے اپنے ایک بیان میں کہا کہ اس مشق میں بھارتی فضائیہ،ائیر پورٹ اتھارٹی آف انڈیا (اے اے آئی)، جموں وکشمیر انتظامیہ،جموں وکشمیر پولیس، سینٹرل انڈسٹریل سیکورٹی فورس (سی آئی ایس ایف) اور انڈین آئل کارپوریشن (آ او سی) کے اعلیٰ عہدیدار شامل تھے ۔
ترجمان نے کہا کہ اس مشق میں ہائی جیکروں کے ساتھ مذاکرات سمیت تمام سرگرمیاں شامل تھیں جس میں این ایس جی کی ایک مضبوط ٹیم کی مداخلت اور ہائی جیکروں پر قابو پانا شامل تھا۔
بیان میں کہا گیا کہ اس مشق نے اس طرح کے بحران کے دوران مختلف ایجنسیوں کے عمل کو ٹھیک کرنے کا ایک منفرد موقع فراہم کیا۔
بیان کے مطابق اس مشق کے لئے جموں ہوائی اڈے پر اترنے والے ایک ایئر انڈین جہاز کو استعمال کیا گیا۔