جموں//
سابق وزیر اِنجینئر عبدالغنی کوہلی نے آج یہاں راج بھون میں لیفٹیننٹ گورنر منوج سِنہا سے ملاقات کی۔
سابق وزیر نے لیفٹیننٹ گورنر کو ضلع راجوری کے مختلف ترقیاتی مسائل بشمول سڑک رابطہ کاری سے آگاہ کیا۔اُنہوں نے ضلع پونچھ کی گوجر بکروال طبقے کے فلاحی اَمور پر بھی تبادلہ خیال کیا۔
سابق ایم ایل اے بلونت سنگھ منکوٹیا بھی لیفٹیننٹ گورنر سے ملاقی ہوئے او رضلع اودھمپور کے دیگر مقامی ترقیاتی مسائل کے علاوہ ضلع اودھمپور میں کوآپریتیو کو فروغ دینے پر تبادلہ خیال کیا۔
اِس سے قبل ایک وفد کی قیادت میں صدر جموںوکشمیر نیشنلسٹ پیپلز فرنٹ ( جے کے این پی ایف ) شیخ مظفر نے بھی لیفٹیننٹ گورنر سے ملاقات کی اور ضلع اِننت ناگ کے عوامی مسائل او رمطالبات کو پیش کیا۔
بعد میں جے کے ایس ایس بی پی ایس آئی اُمیدواروں کے ایک وفد نے لیفٹیننٹ گورنر منوج سِنہا سے ملاقات کی او رحال ہی میں( دسمبر ۲۰۲۲) منعقدہونے والے پی ایس آئی اِمتحان کے اِنتخاب کے عمل کو تیز کرنے اور جے کے ایس ایس بی کے دیگر اِمتحانات کی بروقت تکمیل کا مطالبہ کیا۔
چیئرمین میونسپل کونسل گاندربل ایڈوکیٹ الطاف بھی لیفٹیننٹ گورنر سے ملاقی ہوئے اور گاندربل علاقے کے مختلف ترقیاتی مسائل کو پیش کیا۔
لیفٹیننٹ گورنر نے ملاقات کرنے والے اَفراد اور وفد کے اَرکان سے اِستفساری گفتگو کرتے ہوئے ان کی جانب سے پیش کردہ حقیقی مسائل او رمطالبات کے مناسب ازالے کا یقین دِلایا۔